• Директор

    Махмұт Базарқұлұлы ҚАСЫМБЕКОВ

    Қазақстан Республикасы Президенті Кеңсесінің бастығы – «Қазақстан Республикасының Тұңғыш Президенті – Елбасының кітапханасы ММ директорының міндетін атқарушы»

    1952 жылы 2 тамызда Жамбыл облысының Шу қаласында дүниеге келген. Білімі жоғары, математика пәнінің мұғалімі, экономист, саясаттанушы, саясаттану ғылымдарының докторы, профессор.

    Еңбек жолын 1969 жылы Шу қаласындағы С.Сейфуллин атындағы орта мектепте бастады.

    1974 жылы Абай атындағы Қазақ педагогика институтының математика факультетін, 1985 жылы Алматы халық шаруашылығы институтының жоспарлау-экономикалық факультетін, 1990 жылы Алматы жоғары партия мектебін бітірген.

    1973-1976 жылдары Абай атындағы Қазақ педагогикалық институты комсомол комитеті хатшысының орынбасары, кейіннен хатшысы болып істеді.

    1976-1983 жылдары Фрунзе аудандық, Алматы қалалық және облыстық комсомол комитеттерінің хатшысы, республика комсомолы Орталық Комитетінде бөлім меңгерушісі болып істеді.

    1983-1990 жылдары Алматы облыстық және Қазақстан Компартиясы Орталық Комитетінде еңбек етті.

    1990 жылдан – Қазақстан Республикасы Президенті мен Министрлер Кабинеті Аппараты, кейіннен Мемлекет басшысының Әкімшілігі Жалпы бөлімінің меңгерушісі.

    1996 жылдың наурызынан – Қазақстан Республикасы Президенті Кеңсесінің меңгерушісі, кейін бастығы.

    М.Б. Қасымбеков 60-қа тарта кітаптың авторы және құрастырушысы, 100-ден астам ғылыми мақала жазған. Қазақстан Республикасының ғылым, техника және білім саласындағы Мемлекеттік сыйлығының иегері, «Қазақстан Республикасының Тұңғыш Президенті Нұрсұлтан Назарбаев», ІІІ дәрежелі «Барыс», «Құрмет» ордендерімен марапатталған.

  • ДИРЕКТОРДЫҢ БІРІНШІ ОРЫНБАСАРЫ

     

    Әмірхан Мұратбекұлы  РАХЫМЖАНОВ

    Тарих ғылымдарының кандидаты, саяси ғылымдардың докторы, профессор.

    09.10. 1960 жылы  Семей облысының Үржар ауданының Бестерек ауылында туған.

    Семей педагогикалық институтын «Тарих және қоғамтану пәндерінің мұғалімі» мамандығы, Қазақ қаржылық-экономикалық институтын «Экономика және менеджмент» мамандығы бойынша тәмамдаған.

    Еңбек жолы 1977 жылы Чапаев атындағы ұжымшарда басталды.

    1978-1980 жылдары – Кеңес әскерінің қатарында азаматтық борышын өтеді.

    1981-1990 жылдары – орта мектептің мұғалімі, ұжымшар комсомолы комитетінің хатшысы, Ленин атындағы ұжымшардың партиялық комитеті хатшысы.

    1990-1991 жылдары – Қазақстан Компартиясы Үржар аудандық комитеті Саяси ағарту кабинетінің нұсқаушысы, меңгерушісі.

    1991-1995 жылдары – мектеп-лицейдің директоры, Семей облыстық білім беру департаменті бастығының орынбасары – облыстық біліктілікті арттыру институтының директоры.

    1995-1999 жылдары – Семей қалалық Білім беру басқармасының бастығы, Семей облыстық Білім беру департаменті бастығының бірінші орынбасары, Шығыс Қазақстан облысы Бесқарағай аудандық білім беру бөлімінің меңгерушісі, білім беру жүйесі мен жалпы әкімшілендіруді зерделеу және жапон тілін үйрену үшін мемлекеттік қызметкерлердің тәжірибе алмасуына арналған жоба бойынша Жапонияда тағылымдамадан өтті.

    1999-2001 жылдары – Қазақстан Республикасы Денсаулық сақтау, білім және спорт министрлігі Орта және кәсіпқой білім беру комитеті басқармасының бастығы, Қазақстан Республикасы Білім және ғылым министрлігінің Орта білім беру департаменті бөлімінің бастығы, директорының орынбасары.

    2001-2003 жылдары –  ҚР Премьер-министрі Кеңсесі Әлеуметтік-мәдени даму бөлімі Білім секторының меңгерушісі, меңгерушінің орынбасары.

    2003-2006 жылы – Астана қаласы Білім беру департаментінің директоры.

    2006-2008 жылдары –  Қазақстан Республикасы Президенті Әкімшілігінің бас инспекторы, Ақтөбе облысы әкімінің орынбасары, Қазақстан Республикасы Мәдениет және ақпарат вице-министрі.

    2008-2010 жылдары – Астана қаласы әкімінің орынбасары.

    2010-2012 жылдары – «Нұр Отан» халықтық-демократиялық партиясы Астана қалалық филиалы төрағасының бірінші орынбасары, Қазақстан-Ресей университеті саясаттану кафедрасының профессоры (0,25% ставка).

    2012-2014 жылдары – Қазақстан Республикасы Президенті Әкімшілігі Мемлекеттік бақылау және аумақтық-ұйымдастыру жұмысы бөлімінің меңгерушісі.

    2014-2015 жылдары – V шақырылымдағы Қазақстан Республикасы Парламенті Мәжілісінің депутаты, «Нұр Отан» партиясының мүшесі, партиялық тізім бойынша сайланды.

    2015-2017 жылдары – Қазақстан Республикасы Білім және ғылым министрлігінің жауапты хатшысы.

    2017 жылдың 15 мамырында «Қазақстан Республикасының Тұңғыш Президенті – Елбасының кітапханасы» ММ директорының орынбасары лауазымына тағайындалды.

    2018 жылдың 21 қыркүйекында  «Қазақстан Республикасының Тұңғыш Президенті – Елбасының кітапханасы» ММ директорының бірінші орынбасары лауазымына тағайындалды.

    «Құрмет» ордендерімен, Қазақстан Республикасы Құрмет грамотасымен, «Қазақстан Республикасы Білім беру ісінің үздігі» белгісімен, мерейтойлық  медальдармен марапатталған.

    Ағылшын және жапон тілдерінде еркін сөйлейді.

    Үйленген, үш қызы және немерелері бар.

  • ДИРЕКТОРДЫҢ ОРЫНБАСАРЛАРЫ

     

    АҚТАЕВА Күлайша Қабдуалиқызы

    2017 жылдың 4 қаңтарында «Қазақстан Республикасының Тұңғыш Президенті – Елбасының кітапханасы» мемлекеттік мекемесі директорының орынбасары лауазымына тағайындалды.

    Бұған дейінгі қызметі: «Қазақстан Республикасы Тұңғыш Президенті Музейі» директорының орынбасары.

    Тарих ғылымдарының кандидаты.

    24.05.1961 жылы Целиноград облысы Астраханка ауылында туған.  

    Е. Бөкетов атындағы Қарағанды мемлекеттік университетін «Тарих» мамандығы бойынша тәмамдады.

    Еңбек жолын 1986 жылы Е. Бөкетов атындағы Қарағанды мемлекеттік университетінің «Жалпы тарих» кафедрасында оқытушылықтан бастаған.

    1989–1993 жж. – С. Сейфуллин атындағы Целиноград мемлекеттік педагогикалық институтында оқытушы.

    1993–2004 жж. – Л.Н. Гумилев атындағы Еуразия ұлттық университетінде аға оқытушы.

    2004–2005 жж. – Қазақстан Республикасы Президентінің жанындағы мемлекеттік басқару академиясы ҒЗИ директорының орынбасары.

    2005–2006 жж. – Қазақстан Республикасы Президентінің жанындағы мемлекеттік басқару академиясы ОҰҚ басшысы.

    2006–2007 жж. – Қазақстан Республикасы Президентінің жанындағы мемлекеттік басқару академиясы «Саяси технологиялар» кафедрасының  доценті.

    2007 жылы – «Нұр Отан» ХДП орталық аппаратының ақпараттық-аналитикалық жұмыстар бөлімінің кеңесшісі, меңгерушісінің м.а.  

    2007–2017 жж. «Қазақстан Республикасы Тұңғыш Президенті Музейі» директорының орынбасары.

    «Ерен еңбегі үшін» медалімен, «ҚР Конституциясына 20 жыл», «Қазақстан халқы Ассамблеясына 20 жыл», «ҚР Қарулы Күштеріне 20 жыл» мерейтойлық медальдармен, «Польша мәдениетінің алдындағы қызметі үшін» белгісімен марапатталған.  

     

    Ботагөз Муттахиденқызы ҚАЙЫПОВА

    «Қазақстан Республикасының Тұңғыш Президенті – Елбасының кітапханасы» мемлекеттік мекемесі директорының орынбасары лауазымына 2017 жылдың 15 мамырында тағайындалды.

    Бұған дейін атқарған қызметі: Қазақстан Республикасының Тұңғыш Президенті – Елбасының кітапханасы Ұйымдастырушылық жұмыс қызметінің басшысы.

    Тарих ғылымдарының кандидаты.

    1971 жылдың 27 желтоқсанында Целиноград облысы Ерейментау қаласында туған.

    1995 жылы Ақмола мемлекеттік педагогикалық университетін «Тарих және әлеуметтік педагогика» мамандығы бойынша бітірген.

    Еңбек жолын 1989 жылы Ерейментау ауданында Еңбек сегіз жылдық мектебінде тарих пәнінің мұғалімі болып бастаған.

    1995–1999 жылдары – Ақмола педагогикалық университеті аспирантурасының күндізгі бөлімінде білім алады.

    1999–2002 жылдары – Л.Н. Гумилев атындағы Еуразия ұлттық университеті Археология және этнология кафедрасының оқытушысы, аға оқытушысы, Тарих және халықаралық қатынастар факультеті деканының орынбасары.

    2002–2004 жылдары – Қазақстан Республикасы Президентінің жанындағы мемлекеттік басқару академиясы Мемлекеттік басқару және мемлекеттік қызмет теориясы мен практикасы ғылыми-зерттеу институтының ғылыми қызметкері, «Саяси технологиялар» кафедрасының меңгерушісі.

    2004–2008 жылдары – Қазақстан Республикасы Президенті Әкімшілігінің бас сарапшысы, бас инспекторы, сектор меңгерушісі.

    2008–2016 жылдары – «Қазақстан Республикасы Тұңғыш Президентінің Музейі» мемлекеттік мекемесі директорының орынбасары.

    2017 жылдың қаңтар – мамыры – Қазақстан Республикасының Тұңғыш Президенті – Елбасының кітапханасы Ұйымдастырушылық жұмыс қызметінің басшысы.

    100-ден астам ғылыми еңбектің авторы.

    «Ерен еңбегі үшін» медалі, «Қазақстан халқы Ассамблеясына 20 жыл», «Қазақстан Республикасының Конституциясына 20 жыл» мерейтойлық медальдармен, Мемлекет басшысының алғыс хатымен марапатталған.

     

    ШОМАНОВ АСҚАР ЖҰМАБАЙҰЛЫ

    2018 жылдың 25 қаңтарында «Қазақстан Республикасының Тұңғыш Президенті – Елбасының кітапханасы» мемлекеттік мекемесі директорының орынбасары лауазымына тағайындалды.

    Бұған дейінгі қызметі: Қазақстан Республикасы Президенті Кеңсесінің ақпараттық-талдамалық қамтамасыз ету секторының меңгерушісі.

    Философия ғылымдарының кандидаты.

    15.12.1969 жылы Алматы қаласында туған.

    Әл-Фараби атындағы Қазақ мемлекеттік ұлттық университетін «Философия» мамандығы бойынша тәмамдады.

    Еңбек жолын 1995 жылы Абай атындағы Алматы мемлекеттік университетінде оқытушылықтан бастаған.

    1995-1999 жж. - Абай атындағы Алматы мемлекеттік университетінде оқытушы, аға оқытушы, философия және ғылым әдістемесі кафедрасының доценті.

    1999-2002 жж. – Қазақстан Республикасы Қауіпсіздік кеңесі Талдау орталығының консультанты, сектор меңгерушісі.

    2002-2005 жж. -  Қазақстан Республикасы Президенті жанындағы Қазақстан стратегиялық зерттеулер институты директорының бірінші орынбасары.

    2005-2007 жж. – Қазақстан Республикасы Тұңғыш Президенті қоры жанындағы Әлемдік экономика және саясат институты директорының бірінші орынбасары.

    2007-2008 жж. - Қазақстан Республикасы Президентінің Әкімшілігі Ақпараттық-талдау орталығының меңгерушісі.

    2008-2009 жж. - Қазақстан Республикасы Президентінің Әкімшілігі Стратегиялық әзірлемелер және талдау орталығы меңгерушісінің орынбасары.

    2009-2011 жж. - Қазақстан Республикасының Мемлекеттік қызмет істері жөніндегі агенттігі төрағасының орынбасары.

    2011-2014 жж. - Қазақстан Республикасы Мемлекеттік қызмет істері жөніндегі агенттігінің Қостанай облысы бойынша департаментінің басшысы - Тәртіптік кеңес төрағасы.

    2014 – 2015 жж. – Қазақстан Республикасы Мемлекеттік қызмет істері және сыбайлас жемқорлыққа қарсы іс-қимыл агенттігінің Қостанай облысы бойынша департаменті басшысының орынбасары - Тәртіптік кеңес төрағасы.

    2015 – 2018 жж. – Қазақстан Республикасының Ресей Федерациясындағы Елшілігінің кеңесшісі.

    2018 – 2019 жж. – Қазақстан Республикасы Президенті Кеңсесінің ақпараттық-талдамалық қамтамасыз ету секторының меңгерушісі.

    «Қазақстан Республикасының Тәуелсіздігіне 10 жыл», «Астананың 10 жылдығы», «Қазақстан Республикасының Тәуелсіздігіне 20 жыл», «Астана 20 жыл» мерекелік медальдерімен марапатталған.

    Үшінші хатшы дипломатиялық дәрежесі бар.