26.12.2016 | Елбасы кітапханасының қызметкерлері: «Мейірімділік – жүректен»

Елбасы кітапханасының қызметкерлері жыл бойы мұқтаж жандарға қол ұшын созып, ізгілікке толы бастамаларға мұрындық болды. Әжесі Рыскүл Өтегеновамен тұратын Нұрлыбек, Диана және Бекзат Келісбековтерге қамқорлық көрсетілді

23.12.2016 | Құқықтанушы ғалымдар арасындағы халықаралық байқаудың жеңімпаздары марапатталды

«Жоғары оқу орындарына арналған құқық қорғау саласындағы үздік басылым» І халықаралық байқауы қорытындыланды. Шығармашылық бәйгені ҚР Бас прокуратураның жанындағы Құқық қорғау органдарының академиясы және ҚР Тұңғыш Президенті – Елбасының кітапханасы бірлесіп ұйымдастырып отыр. Байқаудың басты мақсаты – құқық қорғау саласындағы отандық және шетелдік зерттеулері мен ғылыми еңбектеріне қызығушылықты ояту, мәдени және ғылыми байланыстарды нығайту.

21.12.2016 | «Тұңғыш»: атқарылған және межеленген жұмыстар

Елбасы кітапханасының қызметкерлерінен құралған «Тұңғыш» бастауыш партия ұйымының биылғы жұмысы бағамдалды. Кезекті отырыс жауапты және абыройлы қызметімен көзге түскен Жанар Дүйсенбиеваны марапаттаумен бастау алды. Ұйымның хатшысы елорданың гүлденуі мен қалыптасуына қосқан елеулі еңбегі үшін «Нұр Отан» партиясы Астана қалалық филиалының төрағасы, Астана қаласының әкімі Әсет Исекешевтің алғыс хатына ие болды.

20.12.2016 | Жастар туған жерге сүйіспеншілікті өлеңмен өрнектеді

Елбасы кітапханасындағы «Ұлы елдің ұланымыз – Мәңгілік ел қыранымыз» әдеби сағаты поэзия әлеміне қадам басқан жастарды тоғыстырды. Патриоттық сарындағы туындылармен оқушылар мен студенттер тәнті етті. 30-ға жуық бала қазақ әдебиетінің асыл мұрасына айналған шығармаларды және өздерінің қаламынан туған өлеңдерді мәнерлеп оқуға ниет білдірген. Әдебиеттен сусындаған жас дарындардың ең кенжесі Мәдияр Дүйсен 7 жаста. Талабы таудай баланың 20-ға жуық тырнақалды туындысы бар.

15.12.2016 | Тәуелсіздіктің мерейлі белесіне орай Елбасы кітапханасының қызметкерлері марапатталды

14 желтоқсан күні ел Тәуелсіздігінің ширек ғасырлық мерейтойы қарсаңында Елбасы кітапханасының қызметкерлері салтанатты түрде марапатталды. Қазақстан Республикасы Президенті Кеңсесінің бастығы – Қазақстан Республикасының Тұңғыш Президенті – Елбасы кітапханасы директорының міндетін атқарушы Махмұт Базаркұлұлы Қасымбеков ұжымды мейраммен құттықтап, оның маңыздылығын ерекше атап өтті: «Еліміз 25 жыл ішінде дамудың даңғыл жолына түсіп, толайым табыстарға және айшықты жетістіктерге жетті. Бүгінде жас мемлекетіміздің мәртебесі әмбеге аян.

15.12.2016 | Мемлекет басшысы Қазақстан Республикасы Тәуелсіздігінің 25 жылдығына арналған «Жетістіктер мен жеңістердің 25 жылы» атты мерекелік концертке қатысты

www.akorda.kz Концертте қазақтың халық әндері мен билерінен бастап, әлемдік классика туындыларына дейінгі түрлі жанр көрермен назарына ұсынылды. Мерекелік кешке әлемдік сахна төрінде еліміздің атын әйгілеп жүрген Қазақстанның бетке ұстар өнер майталмандары қатысты.

15.12.2016 | Тәуелсіздіктің 25 негізі: «Мәңгілік елдің» мәңгілік құндылықтары

Еліміздің мерейлі белесіне арналған «25 жұлдызды күн» аясындағы тағылымды және мазмұнды мерекелік шаралар түйінделді. Оның тоқтамын Қазақстан жазушылар одағының мүшесі Асқар Алтай салиқалы ойымен, салмақты пікірімен алға тартты.

15.12.2016 | Елбасы Қазақстан Республикасы Тәуелсіздігінің 25 жылдығына арналған салтанатты жиналысқа қатысты

www.akorda.kz Мемлекет басшысы Қазақстан халқын Тәуелсіздік мерейтойымен құттықтады. – Тәуелсіздіктің 25 жылы – біздің буынның уақыт өлшеміне сыймайтын теңдессіз ерлігі. Осы мерейтойлық жылда Қазақстанның Біріккен Ұлттар Ұйымы Қауіпсіздік Кеңесіне сайлануының символдық мәні бар.

14.12.2016 | Тәуелсіздіктің 25 негізі: Астана

Еліміздің мерейлі белесіне арналған «25 жұлдызды күн» аясындағы мерекелік шаралар легі жалғасын табуда. Бүгін Елбасы кітапханасында елорданың тарихы жайлы Қазақстан Жазушылар одағының мүшесі, белгілі журналист Сәдібек Түгел сыр шертті. Оның айтары бар, біліп-түйгені көп. Қаламгер Сарыарқа төсіндегі бас қаланың мәртебесін асқақтату жолында тер төкті. Ол 1998 жылы Астана қаласы әкімдігінің тұңғыш баспасөз қызметшісі жүгін арқалады.

14.12.2016 | Үздік өрендерге аспан түстес көк галстук байланды

Еліміздің мерейлі белесіне орай астаналық жасұландықтар сап түзеді. Бүгін ұйымның қатарына салтанатты түрде 55 оқушы қабылданды. Антқа адалдығын, сертке беріктігін Мұхамедәлі Жүгінісов дәлелдемек.

13.12.2016 | Александр Машкевич: Табысқа жетемін десеңіз, көп ұйықтаудан арылу қажет

Тау-кен өнеркәсібінің сырына қанық кәсіпкер табысының кілтімен бөлісті. 1980 жылдары қарапайым университет деканы өмірін өзгертуді ұйғарған. Тәуекелге бел буып, кәсіпкерлікте бағын сынауға кіріседі. Нарықты зерделеген Александр Машкевич паллеттер мен ілгіштерді шығаруға ден қойған. Шығыны аз, табысы мол кәсіп өрге жүзді.

Беттер