Жаңалықтар мұрағаты 2020

Қазақстан Республикасының Тұңғыш Президенті – Елбасының Қоры мен кітапханасы баспа және электрондық бұқаралық ақпарат құралдары қызметкерлері арасында Қазақстан Республикасының Тәуелсіздік күніне арналған «Қазақстан Тәуелсіздігі және Елбасы» тақырыбы бойынша таңдаулы материалдарға жыл сайынғы халықаралық конкурс жариялайды.

Қазақстан Республикасының Тұңғыш Президенті – Елбасы кітапханасы Саяси қуғын-сүргін құрбандарын еске алу күніне арналған «Болашақ үшін естелік» атты виртуалды қор бейне көрмесін ұсынады. Көрме алғаш рет бейне форматта дайындалды. Елбасының жеке мұрағатынан алынған фото-, бейне хрониканың құжаттары мен материалдары шынайы фактілерді қалпына келтіруге және кеңестік тоталитарлық жүйенің құрбандары туралы тарихи естелікті сақтауға бағытталған, сондай-ақ кітаптардың тақырыптық жинақтары тәуелсіз Қазақстанның мемлекеттік саясатының жетістіктері туралы баяндайды.

«Қиялсыз өнер де, ғылым да болмайды», - дейді «Қазақстанның 100 жаңа есімі» жобасы жеңімпаздарының бірі Қанат Нұртазин. Ол қазіргі уақытта Назарбаев университетінде жұмыс істейді, онда университеттің Дайындық мектебінің маркетингіне жауап береді. Негізгі жұмысымен қатар Қанат шығармашылықпен де айналысады. Ол «Сурет салудың 100 әдісі» жобасының авторы. Nickelodeon халықаралық балалар телеарнасы және Disney телекомпаниясымен ынтымақтастық та 28 жастағы суретшінің жетістігі саналады.

Елбасы кітапханасы қазақтың ұлы ақыны, композиторы, ағартушысы және ғұлама ойшылы Абай Құнанбайұлының 175 жылдығына арналған жыл сайынғы «Абай оқулары» әдеби эстафетасының басталғанын хабарлайды. «Абай оқулары» жобасының мақсаты: – Елбасы Н.Ә.Назарбаевтың «Рухани жаңғыру» бағдарламасына және Қазақстан Республикасының Президенті Қ.К.Тоқаевтың Абайдың 175 жылдық мерейтойын өткізу туралы бастамасына ақпараттық-имидждік қолдау көрсету;