28.02.2011 | «Венгерлік рапсодия» музыкалық кеші

2011 жылдың 28 ақпанында ҚР Тұңғыш Президент Музейінде «Мәдениеттер арқылы үнқатысу» халықаралық жобасының аясында Қазақстандағы Венгрия елшілігімен бірге ұйымдастырған «Венгерлік рапсодия» музыкалық кеші өткізілді. Музыкалық кеш Қазақстан Республикасының тәуелсіздігінің 20 жылдығына арналған мерекелік шаралардың бірі болды.

07.12.2010 | Ерекше оқиға

Қазақстан Республикасы Тұңғыш Президент Музейінде Тәуелсіздік Күні қарсаңында ерекше оқиға болды. Қазақстан Республикасы Президентінің 2010 жылғы 7 желтоқсандағы «Халықаралық ынтымақтастық және достықты нығайту, елдегі мәдениет пен әлеуметтік-экономикалық дамуға қосқан үлесі, мемлекеттік және қоғамдық қызметтегі еңбегі үшін» Жарлығы бойынша директордың орынбасары К.Ақтаева «Ерен еңбегі үшін» медалімен марапатталды.

23.10.2010 | Экскурсиялық жұмыс бойынша әдістемелік семинар

2010 жылдың 19–23 қазан аралығында Қазақстан Республикасы Тұңғыш Президенті Музейінде Қазақстан Республикасы Туризм мен мәдениетке еңбегі сіңген қайраткер, Петербор гуманитарлық университетінің Алматыдағы филиалының аға оқытушысы Б.Оразымбетованың қатысуымен экскурсиялық жұмыс бойынша әдістемелік семинар өтті.

29.03.2010 | "Нұр Отан" конкурс

   2010 жылдың 15-26 наурызы аралығында «Нұр Отан» халықтық-демократиялық партиясының Сарыарқа аудандық филиалы ауданның бастауыш партия ұйымдарының арасында конкурс өткізді.

29.03.2010 | «Сарыарқа-2010» сыйлығана ие болғандарды марапаттау рәсімі Қ.Қуанышбаев атындағы Қазақ музыкалық драма театрының ғимаратында өтті

    2010 жылдың 29 наурызында конкурс қорытындысы жарияланды. «Сарыарқа-2010» сыйлығана ие болғандарды марапаттау рәсімі Қ.Қуанышбаев атындағы Қазақ музыкалық драма театрының ғимаратында өтті.       103 бастауыш партия ұйымдарының арасынан Қазақстан Республикасы Тұңғыш Президенті Музейінің бастауыш партия ұйымы «Адал бастауыш партия ұйымы» номинациясын жеңіп алды.       Жеңімпаздар туралы конкурс қорытындысы бойынша дайындалған бейне және фотоматериалдар республикалық конкурсқа қатысуға өтініш беру үшін партияның орталық аппаратына берілді.

04.12.2009 | 2009

Тәуелсіздік күнінің қарсаңында Қазақстан Республикасы Тұңғыш Президенті Музейінің ұжымында айтулы оқиға болды. Мемлекет басшысы Н.Ә. Назарбаевтың 4.12.2009 жылғы Жарлығымен музейдің екі қызметкері – Музей құндылықтарын есепке алу және сақтау қызметінің жетекші сарапшысы З.А. Әубәкірова мен Ақпараттық орталық жетекшісінің орынбасары Л.В. Флёрко кәсіби шеберлігі, бастамашылығы және шығармашылық жетістіктері үшін жоғары награда - Қазақстан Республикасы Президентінің құрмет грамотасымен марапатталды.

04.12.2009 | Жоғары награда - Қазақстан Республикасы Президентінің құрмет грамотасы

Тәуелсіздік күнінің қарсаңында Қазақстан Республикасы Тұңғыш Президенті Музейінің ұжымында айтулы оқиға болды. Мемлекет басшысы Н.Ә. Назарбаевтың 4.12.2009 жылғы Жарлығымен музейдің екі қызметкері – Музей құндылықтарын есепке алу және сақтау қызметінің жетекші сарапшысы З.А. Әубәкірова мен Ақпараттық орталық жетекшісінің орынбасары Л.В. Флёрко кәсіби шеберлігі, бастамашылығы және шығармашылық жетістіктері үшін жоғары награда - Қазақстан Республикасы Президентінің құрмет грамотасымен марапатталды.

01.12.2008 | «Мұражай, мұрағат және кітапхана мекемелерінің ақпараттық ресурстары» тақырыбында семинар

2008 жылдың 1 желтоқсанында «Мұражай, мұрағат және кітапхана мекемелерінің ақпараттық ресурстары» тақырыбында семинар өтіп, оның аясында «АЖ-Музей» музей қорын есепке алу автоматтандырылған бағдарламасы мен микорграфиялау технологияларының тұсауы кесілді.

20.09.2008 | Астананың 10 жылдығына орай Қазақстан Республикасы Тұңғыш Президенті Музейінің қызметкерлері «Астананың 10 жылдығы» мерейтойлық медалімен марапатталды.

2 шілдеде Мемлекеттік хатшы Қ.саудабаев Ақордада мемлекеттік органдардың бір топ басшыларына, ҚР Президенті Әкімшілігінің басшы қызметкерлеріне және қоғам қайраткерлеріне «Астананың 10 жылдығы» медалін тапсырды. «Астананың 10 жылдығы» медалі Қазақстан Республикасы Президентінің 2008 жылы 6 мамырдағы Жарлығына сәйкес Қазақстан астанасының 10 жылдық мерейтойына байланысты бекітілді, бұл медальмен Қазақстан Республикасы мен оның астанасының қалыптасуы мен дамуына елеулі үлес қосқан азаматтар марапатталады.

28.08.2008 | Қазақстан Республикасы Тұңғыш Президентінің Музейіне 4 жыл толды

Қазақстан Республикасы Тұңғыш Президентінің Музейі 2004 жылы 28 тамызда ҚР Президентінің Жарлығымен құрылды. Музей кешенді ғылыми-зерттеу, ғылыми-білім беруші және мәдени орталық болып табылады. Алғашқы ашылған күнінен бастап Қазақстан Республикасы Тұңғыш Президентінің Музейі Қазақстан Республикасы Тұңғыш Президенті Н.Ә. Назарбаевтың қоғамдық және мемлекеттік қызметі арқылы егемен Қазақстанның жетістіктерін сақтау мен жан-жақты көрсетуде маңызды тарихи-мәдени қызмет атқарады.

Беттер