Жаңалықтар

30.07.2019 | «ДОСТЫҚ ЖОҚ ЖЕРДЕ АРАЗДЫҚҚА МҮМКІНДІК МОЛ БОЛМАҚ». Н.Ә.НАЗАРБАЕВ

Дәл бүгін, 30 шілде күні бар әлем күнтізбедегі ең жас мерекелердің бірі - Халықтар достығы күнін атап өтуде. Аталған мерекені атап өту туралы шешімді Біріккен Ұлттар Ұйымы Бас Ассамблеясы 2011 жылдың 27 сәуірінде өткен 65-інші сессиясында қабылдады. Жаңа датаны бекітуге идеологиялық негіз - Мәдениет және бейбітшілік саласындағы іс-қимыл декларациясы мен бағдарламасы, сондай-ақ 2001-2010 жылдарды қамтыған бүкіл ғаламшардың мүддесі үшін бейбітшілік мәдениеті мен зорлық-зомбылықсыз халықаралық онжылдық болды.

29.07.2019 | ЕЛБАСЫ КІТАПХАНАСЫ ЖАҢА ФОРМАТТАҒЫ ЭКСКУРСИЯҒА ШАҚЫРАДЫ!

Елбасы кітапханасының жаңа экскурсиялық бағдарламасында елорда тұрғындары мен оның қонақтары үшін қызық та бірегей музейлік, кітапханалық және архивтік қор материалдарын ұсыну ойластырылған. Қонақтарға мынадай бағыттар арналады: «Отбасымызбен музейге», «Ұжымымызбен музейге», балалардың туған күнін музейде атап өту, «Қазақстанның спорттық даңқы» квест-экскурсиясы, «Сөзжұмбақ шешу» атты ойындық үлгідегі экскурсиялар, сондай-ақ шолулық және тақырыптық экскурсиялар мен Елбасы кітапханасы архивінен бейнефильмдердің кинокөрсетілімдері.

24.07.2019 | «ҰЛЫ ДАЛА ТАРЛАНДАРЫ» ЖОБАСЫ. ИВАН КРЕПАК

Өзінің алғашқы табысын Иван Крепак елдегі ірі банктердің біріне жарнамалық өнім дизайнын дайындау арқылы жеті жасында тапты. Кейін бірінші сынып оқушысы робототехника мен бағдарламалау саласына қызыға бастады. Үйірмеге қабылдаудан бұрын өткізелетін сайыста Иван тапсырманы 4 минутта орындап, бағдарламалық кодты бірінші болып жазғандардың қатарында болады. Робототехник, мобильдік қосымшалардың авторы, «Қазақстанның жүз жаңа есімі» жобасы «Ғылым» номинациясының жеңімпазы Иван Крепактың ғылымдағы жолы осыйлай басталған.

22.07.2019 | САҒЫМ ДҮНИЕ

Елбасы кітапханасының қоры қазақ эстрадасының танымал әншісі, ақын, композитор Батырхан Шөкенов әндерінің «Сағым дүние» атты ноталық басылымымен толықты. Жинақты Батырхан Шөкенов атындағы қор Болат Өтемұратов қорының қолдауымен жарыққа шығарған.

19.07.2019 | ҚАРАПАЙЫМ МЕТАЛЛУРГТЕН ӘЛЕМ ТАНЫҒАН ЛИДЕРГЕ ДЕЙІН

Қазақстанның Тұңғыш Президенті – Елбасы Нұрсұлтан Әбішұлы Назарбаевтың еңбек жолы металлургиямен тығыз байланысты екені көпке мәлім. Нұрсұлтан Назарбаевтың өзі де құрыштай мінезін Қарметкомбинаттың домна пешінде шынықтырғанын әрқашан айтады. Металлург күні қарсаңында (шілденің үшінші жексенбісі) Елбасы кітапханасы өз оқырмандарына Елбасымыздың Теміртау қаласындағы Қарағанды металлургия комбинатында жұмыс істеген жылдарынан кейбір деректерді жариялайды.

18.07.2019 | «NUR OTAN» ПАРТИЯСЫНЫҢ ҚАТАРЫ ТОЛЫҚТЫ

Бүгін еліміздің ірі саяси құрылымы – «Nur Otan» партиясының қатары мүшелікке қабылданған Қазақстан Республикасының Тұңғыш Президенті – Елбасы кітапханасының қызметкерлерімен толықты. 

16.07.2019 | ҚЫТАЙЛЫҚ ҚОНАҚТАР НҰР-СҰЛТАННЫҢ БІРЕГЕЙ ҒИМАРАТЫНДА

Қазақстанның бас қаласында туристік науқан қызып тұр. Нұр-Сұлтан қаласындағы туристер жиі келетін мәдени нысандардың бірі - Назарбаев орталығы. Бүгін Қазақстан Республикасы Тұңғыш Президенті – Елбасы кітапханасына қытайлық туристер келді.  Меймандар Тәуелсіздігіміз бен Қазақстанның қалыптасу тарихынан сыр шертетін көрмелер мен түрлі жәдігерлерді тамашалап, танысты.

15.07.2019 | ЛАПЫЛ ҚАҚҚАН ОТ: РИЗА ДИГАТИ ОҚЫРМАНДАРДЫ САЯХАТҚА ШАҚЫРАДЫ

Елбасы кітапханасының жинағы тың басылыммен толықты. Гейдар Алиев қорының қолдауымен жарық көрген Риза Дигатидің «Лапыл қаққан от» («The Elegance of Fire») атты кітабы Әзербайжан елінің салт-дәстүрлері мен әдет-ғұрпын, ұлттық нақышы мен халқының тұрмысын бейнелейді.

11.07.2019 | ЕЛБАСЫ КІТАПХАНАСЫНА ШЕТЕЛДЕГІ ҚАЗАҚ ДИАСПОРАЛАРЫНЫҢ БАЛАЛАРЫ КЕЛДІ

11 шілде күні Қазақстан Республикасының Тұңғыш Президенті – Елбасы кітапханасына шетелдегі қазақ диаспораларының балалары келді. Ресей, Иран, Моңғолия, Түрікменстан, Тәжікстан, Өзбекстан және Қырғызстан елдерінен Қазақстанға келген 175 оқушы «Назарбаев Зияткерлік мектептері» дербес білім беру ұйымы ұйымдастырған «Ұлы дала ұрпағы» жазғы мектебіне қатысу үшін келген.

Беттер