Алаң

Қазақстан Республикасы Тұңғыш Президенті Резиденциясының алдындағы алаң – Мемлекет басшысы Н.Назарбаев бірнеше жыл бойы Астанаға ресми сапармен келген республиканың жоғары дәрежелі қонақтарын қарсы алған алаң.

Атриум

Қазақстан халқының өмірлік күші мен қуатының, материалдық және рухани байлығының, жас егемен мемлекеттің гүлденуінің символы - музей артриумында негізгі орын алып тұрған «өмір ағашы». Бұл әлемнің дәл ортасында тау басында өсетін және дүниенің төрт бұрышы мен әлемнің үш саласын – тамыры тереңге кететін жер астын, адам мен жануарлар мекені – жерді және құдайлар мен құстардың мекені – аспанды байланыстыратын әлем ағашының бейнесі.

"Қазақстан Республикасының мемлекеттік рәміздері"

3 - қабат. Холл. "Қазақстан Республикасының мемлекеттік рәміздері" экспозициясы «Қазақстан Республикасының мемлекеттік рәміздері» экспозициясы «Тәуелсіз Қазақстан» тақырыбын аяқтайды. Мұнда Қазақстан Республикасының саяси тәуелсіздігі мен егемендігінің негізгі атрибуттары – Ту, Елтаңба, Әнұран және Конституция қойылған Мұнда қойылған экспонаттар Қазақстанның мемлекеттік рәміздерінің тарихымен және оның авторларымен танысуға мүмкіндік береді.

«Атамекен»

Бірінші қабылдау бөлмесінің холы. «Атамекен» экспозициясы «Атамекен» ұғымы - қазақтар үшін өте киелі ұғым. Холға орналастырылған экспозиция келушілердің Қазақстан Республикасы Тұңғыш Президентінің жастық шағымен танысуына мүмкіндік береді. ХVIII-ХIХ ғасырлардағы түпнұсқа экспонатар, сәндік-қолданбалы өнер туындылары, күнделікті тұрмыс бұйымдары, фотосуреттер мен мұрағат құжаттары Н.Ә.Назарбаевтың отаны, отбасы, балалық шағы, мектепте оқыған кездері туралы баяндайды.

«Күміс» залы. «Әлем таныған Елбасы» фотогалереясы

Ресми іс-шаралар залы - «Күміс» зал – ол Қазақстан Республикасының мемлекеттік наградалары мен құрметті атақтарын,  Қазақстан Республикасында аккредиттелген шет мемлекеттердің Төтенше және Өкілетті Елшілеріне сенім грамоталарын тапсыру, Қазақстан Республикасы Президентінің және Шет мемлекеттер мен үкімет басшыларының қатысуымен ресми сапарларда, саммиттерде құжаттарға қол қою рәсімін өткізуге арналған. Бұған 1997-2004 жж. аралығындағы көптеген естелік фотосуреттер куәландыратын «Әлем таныған Елбасы» фотогалереясының экспозициясында ұсынылған.  

Беттер